RSS

Category Archives: أطباقي

عشااااااء بـــحـــب

صبــاحــكم فـــل وريـــحـــان وحــــب ورضــــوان من الــــمـــنان

كلمة ( حب ) إشراقة من عالم الملكوت ، وإطلالة من ديوان الخلود ، ووقفة في بساط العظمة .


من استظل بسمائها اتقد شوقه وتدافع خاطره .


كلمة (حب ) عالم من المودة والصلة والأنس والرضى والراحة ،

وهي دنيا الأمل والفأل الحسن ، والأمس الجميل واليوم الحافل ، والغد الواعد .


إنها رحلة في عالم التآلف والتآخي ، والتفاهم والتكاتف ، والتضامن والتعاون ،


في كلمة ( حب ) بسمة وضمة ولهفة واشتياق ولوعة ! .


إذا قلت : ( حب ) تداعت الذكريات القديمة ، وثارت المعاني الجميلة ، وحضرت المواقف المشجية ،

واستعادت النفس شبابها ، والقلب أمله ، والروح إشراقها ، والمجلس بهجته ، والحضور أنسه .
                                                                                            الشيخ : عائض القرني 

دجاج بالحمص
طعمه لذيذ ، أول كانوا شبابنا يشترونه من مطعم النسيم ،ولمن جا رمضان جربت أسويه وطلع لذيذ ورجعت سويته ليلة البارحه



المقادير: دجاجه ، بصل ، ثوم ، طماطم ، فلفل أخضر ، بهارات ،زيت .


الطريقة: ننزع جلد الدجاج ونقطعه مكعبات رقيقه و (أقلقله في تاوه ) ، واتركه إلى أن ينضج وينشف مائه على الراحه ربع ساعة

تقريبا، ثم أكشن بصل مع الثوم ثم الطماطم ثم أضيف له الدجاج ثم الفلفل والبهارات وأتركه حتى يتسبك قليل وياخذ النكهة وعند

التقديم أضع فوقه حمص وأرشه بقليل من الزعتر وأقدمه مع الخبز وياسلام لمن يكون معه شاي بالنعناع او الحبك .

حلا الشعيرية

المقادير: كيس شعيرية باكستانية ، علبة كريم كرمل ، علبة قشطة ،

4 حبات جبن كيري ، حليب مركز محلى ، كيس دريم ويب ، بسكوت شاي .




الطريقة: 1- نحمس الشعيرية إلى أن يصبح لونها ذهبي ونشم رائحتها الزكية ثم نضعها في الطبق.






2- نجهز الكريم كرمل بطريقته المعتادة ثم نضيفه فوق الشعيريه .






3- نضع البسكويت فوق الشعيرية .






4- نخلط بقية المكونات ثم نضيفها فوق البسكويت ثم ندخله الفريز ونزينه بعد أن يتماسك قليلا بهرشي .

ســلـــطــــة حــــــــــبــــنـــــــا
المقادير: خس ، طماطم ، خيار ، فلفل أخضر
ذرة ، فاصوليا حمرا، حمص ،
، ليمون ،، زيت زيتون ،  زبادي ، طحينيه ، فص ثوم ، خبز ، زعتر
الطريقة: نقطع الخس والخيار والطماطم والفلفل مكعبات ونضيف لها الذرة والحمص والفاصوليا الحمرا
ثم نضيف لها الليمون مع زيت الزيتون والملح ثم نضع فوقه مكعبات خبز محمص بالزيت ثم نرشه بالزعتر
ثم نضع وقه خلطة الزبادي بالطحينية ونرشه بقليل من السماغ  .
ألقـــاكم على خـــير و حـــــب



Advertisements
 
6 تعليقات

Posted by في 2010/09/27 in أطباقي

 

تشاكيل

مساكم رضا من ربي ،،، مساكم شفاء لمن تحبون وأحب

الله يسلمكم كنت أكلم شاب طموح على المسن وقرقت عليه ألين حامت تسبده بعدين قال لي لو سمحت أبكتب موضوع  جديد بمدونتي << يعني يرحم والديني ووالدينك خلصينا بسكاتك خل أشوف شغلي <<< لا حرام مايقصد
المهم الا مير تطقني الغيران وقلت وش زوده علي يوم أنه ينزل موضوع وأنا لا ومحدش أحسن من حد عاد قلت خل أغير المود والسستم وكل ابو الالفاظ المنتشره هالايام في طريقة التدوين عندي ، البوست هذا خليطي :

ريحته رووووعه ماشاء الله تبقى يومين كل ماأمر من غرفتي أشم ريحته
حقيقة من عشاق عطورات أجمل تعجبني ريحتها .
طبعا العطر ملطوش بس بأدب ، لقيت هذا العطر عند أمي الله يطول بعمرها على طاعته
قلت يمه العطر هذا ريحته شيييي قالت هذا هديه من أم فلان ، عاد يوم
جيت ارجعه للغرفه قامت وقسمت أيمان مغلظه إن أخذه ، فشسمه الله يخليكم
لا حد يتفلسف علي ويقول هذا عقوق هي عطتني اياه برضاها .
سلطة رمان
بجد لذييييذه ، ذاقها شاب طموح وعجبته بعدين سويتها مره ثانيه وقلت لولد أخوي
يذوقها في البدايه جلس يقط تعليقات ومو مقتنع إنها لذيذه مع إنه ماذاقها بس يوم كلها
شبك فيها واعجبته ،
المقادير:جرجير ، خس ، رمان
الصوص : ليمونه ، ملعقه صغيره خل ، زيت زيتون ، ملح .

رولات التوست
خفيفه ولذيذه وتخدم في الطوارئ
المقادير: 
صدور دجاج ، حبه كوسه ، حبه جزر ؛ حبه فليفله ، ذره ، بقدونس ، بصل ، ثوم  ،
الطريقة:
نقطع الدجاج مكعبات رقيقه ونقلقلها على النار لين تنشف المويه
نحمس بصل وثوم ثم نضيف الدجاج ونقلبه ونضيف البهارات بعدين نضيف الخضار طبعا كلها مبشوره ماعدا الفليفله والبصل مكعبات والذره ونخليه على نار هاديه شوي .
بعدين نفرد التوست وندهنه بشوي مايونيز ونحشيه .
ذكريااات شعبان ، 1431هـ <<< ترى يدي مب معهم  والا كان هجيتوا
في ليله من الليالي كانوا بنات اخوانيني (2 أخو ) هههههه
زهقانات فقمت اقترحت عليهم نلعب لعبه فاختاروا لعبة الفواكه طبعا مدري وش سالفة اللعبه بس عادي لعبة مهم والله حلوه وقضى الوقت واستمتعوا وأنا اللي أخذت المركز الأول طبعا حقيقة لي هدف من إني أنزل لكم الصوره وأقول السالفه ، وش اللي يمنعنا من اللعب مع إخوانا وأولادنا وبزارنينا حتى لو كنا كبار ، ليش مانشاركهم المتعه ، مهوب عيب يمكن البعض يقول خير سلامات وش كبرك وتلعبين مع مراهقات وأنت كبر أمهم
عمر اللعب ماكان محصور بعمر معين ، يمكن يكون فيه ضوابط وشروط صحيح لكن أبدا مايمنع .
الله يحلي أيامي وأيامكم بكل خير وطاعه وسلامة والدينا
المقادير:
باكيت بسكويت شاي مطحون
سويس رول بالشكولاته حلقات
2 ظرف كريم كرمل
2 دريم ويب
6 حبات جبن كيري
3 بيالات حليب سايل
ملعقة ص نسكافيه
2 ملعقه شوكولاته سايله
للتجميل: توفي ، مكسرات ، أو هيرشي
الطريقة:
يوضع في قاع كل كاس شريحة سويس رول
نخلط المقادير الباقيه في الخلاط  ثم نضيفه فوق السويس رول ويزين بالتوفي والمكسرات
 
 

منيونا

ارحبوووووووووووووووووووووووووووو ، من زمان عنكم والله مدري وش فيني
يجي في بالي مواضيع وأحيانا طبخات وقول بنزلها بعدين تجيني صدت نفس واطنش وكذا << مهوب كني اقول قصة حياتي   🙂 <<  حتى الحين بس قلت غصب طيب بنزل ، مالكم بالقصيره  🙂

شيش طاووووووووق  & حمص & بوتيتس   🙂

المقادير : دجاج
بصل
فلفل
طماط
بهارات
التتبيله : قشطة ، زبادي ، ليمونه ، خل ، بهارات ، ملح
الطريقة : نقطع الدجاج الى مكعبات متوسطة الحجم بعد نزع الجلد والعظام
نتبلها في الخلطة السابقة 3 ساعات بالنسبة لي تبلتها من الليل ودخلتها الثلاجه كذا تكون الذ وأطعم
في الظهر دخلتها في الاعواد مع بصل وطماط وفلفل مقطعه مكعباات
ثم وضعت في صينية الفرن شرايح بصل وزيت زيتون وفنجانين ماء وقصدرته ودخلته الفرن
بالنسة لي تركته في الفرن ساعتين لكن يكفي نص ساعه الى ساعه
بعد مااستوى ونشف الماء حمرت الدجاج ثم اخذت فحمه ووضعتها في كوب وفوقها قطعه زبدة ووضعتها
على اسياخ الدجاج ثم كتمت الصينيه حتى يبقى ريحة الفحم وكأنه مشوي .

قدمته مع حمص واعواد بطاطس وممكن يقدم معه سلطة

كان لذيييييييييييييييييييييييييييييييييييييييذ .








كنافة كذابة

المقادير:
توست مطحون ومفروك بالزبدة اقسمه نصين
مهلبية : كاسين ماء + فنجان سكر + 5 ملاعق حليب بعد أن يغلي أضيف له ملعقتين نشا
الطبقة الاولى توست بعدين مهلبية بعدين توست يتحمر من فوق وتحت اذا استوى فوقه شيره
ويدخل الثلاجه لحين التقديم

برضوا كانت لذيذه وخفيفه .

شرايكم فيني وانا اشرح   🙂





رهيبة
سلطة رهيييييبة <<<< ياتسالي 🙂

جرجير
خس
ذرة
مكعبات بطاطس مقلي
الصوص: زبادي & فص ثوم & ملعقة خل & ملح & ليمون




حبيب الشعب السعودي اللي لايمكن سفرة سعودية رمضانية تخلو منه ( القيمات )

كاس طحين
فنجان نشا
فنجان حليب بودره
ملعقة خميره
ملعقة بيكنج باودر
ملعقة زيت
فنجانين لبن
وشوي ماء




ميلو راسكم بس انتبهوا يطق عرق   🙂

ليمون & نعناع ، سكر  <<< اآووووووووش



باقي الاطباق ان شاء الله انزلها بعدين


فتوكو بعافيه ورمضان كريم
 
21 تعليق

Posted by في 2010/08/17 in أطباقي

 

منيو عشانا ليس مجرد منيو >>> ماتقلد أبد

من طبعي احب التغيير في بعض الأمور ومنها وجبات العشاء اليومية
حاسة بملل في الطبخ ، سويت كل الأطباق اللي أعرفها خلال الأيام اللي راحت
فاليوم جلست أبحث في النت فطلعت بكم طبق ، فعملت عشنا اليوم من عدة أطباق متنوعة ، وحبيت تشاركوني عشنا … وخذوا المنيو التالي:

بروستد

شوربة جزر (يم يمي لزيزة لزازتن ما بعدها لزازة  <<<< جلست أقحن منها لين قالت يرحم أمك تركيني ماعمرك شفتي شوربه

مسبحه وفي رواية حمص …

شيز كيك  >>>> وهذا جبت العيد فيه

سلطة فتاة الثلاثين …>>> متوهقه بالاسم يالله تصريفه

هذا اليوم ،  وفيه بعد طبقين سويتهم خلال الاسبوع تريوني أنزلهم

والآن أبدا على بركة الله … >> حشى افتتاح مشروع

البروستد
المقادير:
دجاج
(زبادي ، ليمون كمون ، ملح ، فص ثوم) التتبيله
بقسماط ، كورن فليكس ، بيض
الطريقة:
بالنسبة لي أحب أسلق الدجاج ربع سلقه وبعد ما أسلقه ، أحب أتبله بالتتبيله المذكورة  وأخليه يتبل ساعة ساعتين كل ماطالت المده كل ماكان أطعم وألذ بعد كذا أقلبه في البيض ثم البقسماط مع الكورن ثم أغليه في زيت ساخن … حلو يكون معه شوية أعواد بطاطس …
طبعا بالنسبة لي ، البروستد:  لازم يكون معه حمص أو المسبحه مثل مايسميها أخوانا الشاميين
الحمص
المقادير:
2 كاس حمص
ملعقة ملح
4/3 كاس عصير ليمون
2/1 ملعقة بيكربونات الصودا
ملعقه او ملعقتين زبادي
2/1 كاس طحينيه سايله
4/1 كوب زيت زيتون
الطريقه : كلهم بالخلاط وبس ثم زيني الصحن بشي بقدونس والا نعناع
بس للأمانة أنا ماحطيت زيت الزيتون في الخليط فقط رشيت رش بسيط فوقه .
نجي الحين للمزيونه اللي دخلت مزاجي بقوووووووة شوربة الجزر
المقادير:
2 جزرة
بصله
2 كاس ماء
ملح ، كمون ،
طماطم حبه
3 ملاعق شوفان
نغلي الجزر مع البصل بإضافة الكمون والملح ثلث ساعه
ثم نخلطهم بالخلاط ونضيف لهم الطماطه والشوفان والكاسين ماء ثم نتركهم على النار ربع ساعه
ثم بالهنا والعافيه وماطرح مايسري يمري
طيب فاصل ونواصل ….. تريوني

هذا المفروض إنه شيز كيك اللي يحبه قلبي بالفراوله وقسم قصته قصه
سويت الطبقه التحتيه ويوم طلعته من الفرن اكتشفت ان الكريمة حقته الجاهزه مخلصه
هنا تورطت وش اسوي وش افعل ، ياربيييييه آخر شي ألفت من عقلي كريمه
حطيت دريم ويب مع قشطة وحليب بودره وشويت ماي وخلطتهم ثم كبيته فوق الطبقه الأولى بس والله طعمها طلع حلو
الطبقة اللي تحت عباره عن بسكويت مفروك بالزبده ثم سكبت فوقه خلطه عباره عن :
9 حبات جبن كيري
ثلاث بيضات
فانيليا
قشطة
فنجان سكر
نخلطهم بالخلاط ثم نسكبهم فوق طبقة البسكويت وندخله الفرن لين يجمد ثم نطلعه ونحط فوقه صلصلة الفراوله وهي خاصة بالشيز تباع في الهايبر >>> 
آخر طبق ألا وهو السلطة اللي مدري وش تبي طبعا أول مره أجربها ، ، سويتها من باب التغيير والتجديد
وهي عباره عن بطاطا وجزر نقطعها مكعبات ثم نسلقها ثم بعدين نخلطها بعلبة زبادي ومايونيز وملح وليمون
وصلى الله وبارك على سيدنا محمد
سي يو
 
12 تعليق

Posted by في 2010/01/09 in أطباقي

 

حلا يرد الروح

أهلين كيف الحال ، وكيف البرد معكم
تخبرون يوم عشره محرم الناس تصوم وإلا << مدري بعد يمكن في ناس غير شكل
المهم سويت الفطور لأهلي ومن ضمن ماسويت حلا هو ماله اسم لكني سميته ( حلا يرد الروح ) لان الدب شاب طموح يوم أكله قلت له هاه وش رايك قال ( حلا يرد الروح ) ومن هنا جاءت التسمية ..>>> أقول لا يكثر بص
وبجد يرد الروح ، خفيف ولذيذ وسهل ومايكلف شي أبد ، حتى أخوي يوم كله يقول حسيت بانتعاش وبشين يدبي >> ههاااي  هذا مهوب حلا،  الله يسترررررررر بس

ومن زاويه أخرى >> أحلى يازاويه والله ولا المصور أسامه
وهي على جنب هيك لأول رد
طيب نجي للمقادير :
كاسين ماء
علبة قشطة
3 حبات جبن كيري
ملعقتين كسترد
ملعقة ونص حليب بودره
فنجان سكر
الطريقة:
نخلطهم بالخلاط ثم نضع الخليط على النار إلى أن يصبح غليظ ( ثخين ) بس مو كثير انتبهو عشان تقدرون تصبونه بصحون الحلا ، بعدين ندخله الفريز ومن هنا إلى أن يجمد نعمل علبة جلي بأي لون ونكهه تحبونها أنا اخترت الفراوله ونعمله بالطريقة المعروفه وبعد مايغلي نحطه فوق الطبقة الأولى ونرجع ندخله مره ثانيه للفريز إلى أن يجمد ثم بالهنا والعافيه عليكم
سي يو
 
4 تعليقات

Posted by في 2009/12/30 in أطباقي

 

ومن الفراغ ما يعمل خنبقاااات

والله من غير تقديم ولا إحم كنت اليوم متضايقه وضجرانه قدن قدن


جلست استغفر واستغفر واستغفر و << بس عاد درينا


إلا والتفت على ورى وأناظر (وفي رواية شاذه أطالع ) وروايه منكره جدا ( أبص )


وألاقي العلب اللي قدامكم ذي اللي تحت <<< شفتوها ، قلت تدرين خل أفتحها وأشوف وش فيها من خامات

إلا وأطلع من حدا العلب ، حاااقه كذا كأنها عش عصافير بس إنه ألوان ، عاد أنا أخترت اللي يناسب لغرفتي المصون وجلست أفكر وش أسوي به ، يوم رفعت راسي إلا وأشوف المكيف ماله فريم << يعني إطار

قلت بس لقيتها أبسوي منه إطار ، وجلست أخنبق عليه إلى من طلع معي الشكل القميل اللي تحت ذا << وبس قصيتي قصة حياتك وبالأخير فريم << أجل بعد وش تبون
ترى لونه مب كحلي بنفسجي بس التصوير مب واضح << يعني ترى عندي ذوووق

على فكرة يمكن البعض يشوف إن الغرفة طفولية و ماتتناسب مع عمري لكن في الحقيقة أنا وضعت بعض

الكماليات لأنها موجودة عندي بحكم وظيفتي سابقا واستخسرت أرميها .

فتكووووووووووووووووووووو بعافية