RSS

Monthly Archives: فبراير 2013

ثرثرة

مدونتي احبك كثير مع ان احس المدونات صارت من زمن (الطيبن والطيبات ) تويتر والإنستقرام سحبوا المتابعين لكن عن نفسي اطل عليك بين فتره وفتره ….
حنيت لك اليوم نفسيتي ضايقه كثير داخلي كلام بس مو كل شي ينقال أشياء كثيره تبقى داخلنا ما نقدر نبوح فيها ….

أمس حققت أمر اعتبره انجاز وخطوة جريئه ألقيت كلمة (دينيه ) في مجلس أمهات ، كنت شايله هم مع اني متعودة ألقي قدام طالبات المدرسة والكادر التعليمي والاشرافي عادي وتكلمت في كذا اجتماع قدام موجهات فمدري ليش كان عندي قلق بس الحمد لله بتوفيق من ربي كلشي تمام
فرحت كثير من تعليقات مشرفتي علي بعد القاء الكلمه كانت تقول انت تنفعين تكونين قائد مديره هيك شي … والله من فضل ربي علي ثم دعوات احبابي لي

فيني ملل وكسل مب طبيعي إذا رجعت البيت مالي خلق على اي شي متعلق بالمدرسة والوظيفه
وهذا بعد شي متعبني نفسيا كثير جالسه ماسوي شي بس بالي مشغول لبكره ومهامه اللي ماانجزتها يارب متى يخلص الفصل الدراسي … تقريبا ثلاث أسابيع مرت غبت فيها بمعدل 3 ايام
ودي اغيب بس مااقدر استنفذت الاضطراري والمرضي لازم اجيب تقرير طبي …

قرأت كتاب ( كخة يابابا ) للكاتب عبدالله المغلوث كتاب رائع جداا خلصته في يومين يتكلم عن سلوكيات اجتماعية

اسلوب الكاتب شيق وممتع ويشد لمواصلة القراءه

الأحد 14 -4 -1434هـ مساء

Advertisements
 
2 تعليقان

Posted by في 2013/02/24 in هذرولوجيا