RSS

فكرة مدونة

12 نوفمبر

صباح الورد وعبير الورد

اليوم حاسة بملل مع إني مب فاضية عندي شغل البيت ، الشاهد وأنا ألفلف بالنت لقيت مدونة اسمها ( الفراشات اللطيفة ) الهدف منها التواصل بين المعلمة وطالباتها فيما يخص الدراسة ، تنزل الخطة ، أنشطتهم ، التقييم ، عجبتني فكرة التعزيز والتحفيز في المدونة بحيث تكتب اسم الطالبة وتقييمها سواء اتقنت او مازالت تحتاج محاولات ، حسيت إنه راح يعطي الطالبة دفعه قوية للمذاكرة خاصة وإن طالبات المتوسط والابتدائي يحبون حركات التعزيز اللي فيها إعلان بأسمائهم  – مدري ثانوي أحس ماتعجبهم لانهم يعتبرون أنفسهم كبار – كذا تخيلتهم .

في فكرة تعزيز كانت إحدى معلماتنا القديرات مسويتها ، تلبس بطاقة كأنها قلادة وتكتب فيها أسماء الطالبات النشيطات او المجتهدات خلال الحصة بشكل يومي

كانوا الطالبات يتنافسون ويااااه عاد تعالوا شوفوا الطالبة اللي مكتوب اسمها أم الزعاااااطه ، محد قدها ، الله يذكرهم بالخير كانت أيام جميلة .

المدونة الثانية: كانت متخصصة في ترجمة الأخبار والمسلسلات والقصص اليابانية والكورية ، كفكرة عجبتني فليش مايكون في مثلها لكن في مجال الخير والفائدة يعني ترجمة طبخات – ذابحها الطبخ – أو ترجمة قصص مفيدة – أي شي حلو ومفيد ومسلي ،

 

لقيت مدونة لبنوته اسمها نورة تحب اللغة الكورية اللي عجبني فيها إنها مسوية (قاموس مصور للغة الكورية )  عجبتني مدونتها .

 

خلكم قريب في تدوينه جديده

Advertisements
 

11 responses to “فكرة مدونة

  1. ήσѓα

    2010/11/12 at 10:29 ص

    ماشالله أعجبتني فكرة المدونة الأولى المفروض كل المعلمات يسوونها

    والمدونة الثانية صح اني احب الفن الكوري لاكن هالنوع من المدونات كثرة بزيادة يعني صارت بدون هدف والاخبار اللي هنا تلقينها هناك يعني مافيه الا وحد والا ثنين اللي يصير محتواها جديد وحلو عموما انا مااتابع هالنوع باستمرار يعني متى مافضيت =)

    المدونة الثالثه أحلى وحده((بررررا
    لاأمزح
    شرف كبير لي ان أسم مدونتي انكتب في مدونتك وشرف أكبر انها نالت على اعجابك وبما ان القاموس هو اللي عجبك أكثر شي
    تفضلي بزيارة مدونتي للغة الكورية
    هون http://hankook-8809.blogspot.com/

    ^_^

     
  2. صدى الاحساس

    2010/11/12 at 6:27 م

    سلاااااااام
    حلوة الافكار
    تحياتي ………

     
  3. شاب طموح

    2010/11/12 at 8:25 م

    كلن على همه سرى .. ناس تبي طبخ ..
    نترياك باليديد ختيه ..

     
  4. amaal33

    2010/11/13 at 1:47 ص

    هلا والله بأمي ، أسفرت وأنورت هلا بنورة
    كلامك سليم <<< سليم والا محمد <<< أم البثاااره ههههه

    الشرف لنا كلنا أننا نكسب خوات حبوبات مثلتس ونكسب مدونات راقية وجميلة مثل مدونتس يكفي بس إن اسمها نوره
    الله يجعل حياتس نور على نور …
    وشكرا للرابط ياالغلا

     
  5. amaal33

    2010/11/13 at 1:48 ص

    صدو: والله مبين مالج خلق تسلمين 🙂
    وعليكم السلام …. الحلو تواجدك ياعسل

     
  6. amaal33

    2010/11/13 at 1:49 ص

    طموح : إي والله كلن على همه سرى ناسن تبي طبخ وناسن تبي مزيان ههههههههههههههههههههههههههههه
    هلا بك

     
  7. ّ.....

    2010/11/14 at 3:57 م

    هـــلا ^^
    افكــــآر رائـــعــه ….}
    تحــياتــي لكـ
    واصـــــلي جهودكـــ

     
  8. مبدعه

    2010/11/15 at 7:27 م

    وينك انتي لي اسبوع ادور مدونتك مو لاقيتها

    عجبتني المدونة للمعلمه شيء ايجابي والله منها
    وحتى الثانوي اتوقع يتحمسون بعد

    وعيدك مبــــارك

     
  9. » ضيـۈنــہ‘

    2010/11/15 at 11:51 م

    حلوهـٍ الـأفكـآرٍ ×”
    و ان ششـآء الله في تطورٍ دآئـمً ..

    مـآ قصرتـيٍ =)
    كل الوـدً

     
  10. amaal33

    2010/11/16 at 1:47 م

    ريم & ضي
    شكرا لتواصلكم ، كل الحب لكم

     
  11. amaal33

    2010/11/16 at 1:48 م

    مبدعه : هلا بك والله ، شلون يعني ماتلقين المدونة ؟؟؟ هل في خلل وماتظهر؟!

     

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

 
%d مدونون معجبون بهذه: