RSS

تشاكيل

25 أغسطس
مساكم رضا من ربي ،،، مساكم شفاء لمن تحبون وأحب

الله يسلمكم كنت أكلم شاب طموح على المسن وقرقت عليه ألين حامت تسبده بعدين قال لي لو سمحت أبكتب موضوع  جديد بمدونتي << يعني يرحم والديني ووالدينك خلصينا بسكاتك خل أشوف شغلي <<< لا حرام مايقصد
المهم الا مير تطقني الغيران وقلت وش زوده علي يوم أنه ينزل موضوع وأنا لا ومحدش أحسن من حد عاد قلت خل أغير المود والسستم وكل ابو الالفاظ المنتشره هالايام في طريقة التدوين عندي ، البوست هذا خليطي :

ريحته رووووعه ماشاء الله تبقى يومين كل ماأمر من غرفتي أشم ريحته
حقيقة من عشاق عطورات أجمل تعجبني ريحتها .
طبعا العطر ملطوش بس بأدب ، لقيت هذا العطر عند أمي الله يطول بعمرها على طاعته
قلت يمه العطر هذا ريحته شيييي قالت هذا هديه من أم فلان ، عاد يوم
جيت ارجعه للغرفه قامت وقسمت أيمان مغلظه إن أخذه ، فشسمه الله يخليكم
لا حد يتفلسف علي ويقول هذا عقوق هي عطتني اياه برضاها .
سلطة رمان
بجد لذييييذه ، ذاقها شاب طموح وعجبته بعدين سويتها مره ثانيه وقلت لولد أخوي
يذوقها في البدايه جلس يقط تعليقات ومو مقتنع إنها لذيذه مع إنه ماذاقها بس يوم كلها
شبك فيها واعجبته ،
المقادير:جرجير ، خس ، رمان
الصوص : ليمونه ، ملعقه صغيره خل ، زيت زيتون ، ملح .

رولات التوست
خفيفه ولذيذه وتخدم في الطوارئ
المقادير: 
صدور دجاج ، حبه كوسه ، حبه جزر ؛ حبه فليفله ، ذره ، بقدونس ، بصل ، ثوم  ،
الطريقة:
نقطع الدجاج مكعبات رقيقه ونقلقلها على النار لين تنشف المويه
نحمس بصل وثوم ثم نضيف الدجاج ونقلبه ونضيف البهارات بعدين نضيف الخضار طبعا كلها مبشوره ماعدا الفليفله والبصل مكعبات والذره ونخليه على نار هاديه شوي .
بعدين نفرد التوست وندهنه بشوي مايونيز ونحشيه .
ذكريااات شعبان ، 1431هـ <<< ترى يدي مب معهم  والا كان هجيتوا
في ليله من الليالي كانوا بنات اخوانيني (2 أخو ) هههههه
زهقانات فقمت اقترحت عليهم نلعب لعبه فاختاروا لعبة الفواكه طبعا مدري وش سالفة اللعبه بس عادي لعبة مهم والله حلوه وقضى الوقت واستمتعوا وأنا اللي أخذت المركز الأول طبعا حقيقة لي هدف من إني أنزل لكم الصوره وأقول السالفه ، وش اللي يمنعنا من اللعب مع إخوانا وأولادنا وبزارنينا حتى لو كنا كبار ، ليش مانشاركهم المتعه ، مهوب عيب يمكن البعض يقول خير سلامات وش كبرك وتلعبين مع مراهقات وأنت كبر أمهم
عمر اللعب ماكان محصور بعمر معين ، يمكن يكون فيه ضوابط وشروط صحيح لكن أبدا مايمنع .
الله يحلي أيامي وأيامكم بكل خير وطاعه وسلامة والدينا
المقادير:
باكيت بسكويت شاي مطحون
سويس رول بالشكولاته حلقات
2 ظرف كريم كرمل
2 دريم ويب
6 حبات جبن كيري
3 بيالات حليب سايل
ملعقة ص نسكافيه
2 ملعقه شوكولاته سايله
للتجميل: توفي ، مكسرات ، أو هيرشي
الطريقة:
يوضع في قاع كل كاس شريحة سويس رول
نخلط المقادير الباقيه في الخلاط  ثم نضيفه فوق السويس رول ويزين بالتوفي والمكسرات
Advertisements
 
 

9 responses to “تشاكيل

  1. شاب طموح

    2010/08/25 at 11:23 م

    ماشاء الله اشوف العايلة كلهم مصورين وش السالفه .؟ اما العطر .. فتستاهل حبيبتي امي اغلى العطور .. الله يطول بعمرها على طاعته .. اما سلطة الرمان .. يالبيييييه بس .. ياجعل ايدينك ماتويج على النار .. يسلمك ربي ياوخيتي .. ولايهون التوست والحلى .. اما اللعب .. ( الا ليت الزمن يرجع .. وذيك الليالي تدور .. عشان العب .. ) ^_* .. عمر اللعب ماهو عيب ولا حرام .. مافي افضل من قدوتنا اللهم صلي وسلم عليه .. موضوعك ابطل شي ياخيتي ..

     
  2. مبدعه

    2010/08/25 at 11:36 م

    توي عرفت ان للغيره فوائد يوم شفت هالبوست ياحليلكم اخوان وتسولفون في المسن مو متقبله الوضع طيب وراء ما تسولفون وجها لوجه الا اذا كان مسافر فهذا شيء ثانيلعبة الفواكه حلوه وابشرك انا بعد العبها مع اخواني اذا صرت رايقه وفاضيهوابدا مو عيب بالعكس شيء حلو انك تشوفينهم اصغر منك وتلعبين عليهم وتغشين على راحتك ههههويعطيك العافيهوعلى فكره ترى يدس معهم وتراها اول وحده على اليسار واضح انها اكبر يد هههه يعني كاشفينك

     
  3. amlfemale

    2010/08/26 at 2:38 ص

    شاب طموح: مروروك وساهرك أبطل شيوايدينك سالمه ، ترى يوم حنا نلعب انت كنت تتابع وادي الذئاب

     
  4. amlfemale

    2010/08/26 at 2:40 ص

    مبدعه : غيرتي شريفه وحصه الله مير يسلمتس وشسمه يالبى الذكاء اللي عندتس وشلون يدي معهم وأنا اللي أصور هلا بك .

     
  5. SAAD

    2010/08/26 at 4:12 ص

    موضوع رائع السلطه اول مره تمر علي وان شاء الله نجربهابس عسى انها تعجبنى

     
  6. amlfemale

    2010/08/26 at 9:02 م

    سعد: بالتوفيق .

     
  7. amlfemale

    2010/08/26 at 9:03 م

    سعد: بالتوفيق .

     
  8. ريم

    2010/09/01 at 2:18 ص

    وهــ بس يازين الايادي الحلوهــ وجمعتنا الفله وووناسه وكلش تسلمين على هيك بوست

     
  9. amlfemale

    2010/09/02 at 1:14 ص

    ريم اهلين وسهلين وش هالغيبه الطويلهلاتبطين علي تراني افتقدك

     

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

 
%d مدونون معجبون بهذه: