RSS

قرقع قريقعان …..

24 أغسطس
اروح وطي معاها ياقلبوووس
قرقيعان وقرقيعان بين اقصير ورمضان

عادت عليكم صيام كل سنة وكل عام

يالله تخلي ولدهم يالله خلي لأمه يالله

عسى البقعة ماتخمه ولا توازي على امه 
صبحكم الله بالخير وياهلا ويامسهلا
تعريف بمفهومي القديم البزرنجي اللي عشته يومني صغيره هو:
القريعان عباره عن مكسرات وحلويات توزع على الاطفال في تاريخ 13 أو 14أو 15 من رمضان وكانوا اول ايامي انا نروح كلبونا البزارين ونطق باب الجيران ونقول الانشوقه الجميلة اللي فوق وعاد يعطونا حلويات طبعا معنا أكياس  <<< حسيتني اعرف تعريف لمادة التاريخ
بصراحه من كم سنة قريت فتوى بعدم جواز القرقيعان وانه
فيه تشبه باليهود مدري مين مومتذكره والله بالضبط
واحتج بعض المشايخ أنه يعود عيالنا على الطرارة (الشحاته )
طبعا كلام الشرع على عيني وراسي بس اذكر لمن كنت صغيره وحليلي لابسه بخنق << حسافه ماصورتني
كنا نروح وندور على البيوت وفي المقابل الأطفال يجون بيتنا
وابدا ماكان في بالنا ولا في بال اهلينا انه بيعودنا على قلة الادب والذوق
والشحاته وهذا احنا كبرنا يالله لك الحمد وش حلاتنا كننا البخت
بعدين الوضع تغير الحين الاطفال ماصاروا يطلعون ويطقون بيوت الناس
خل الاهل والجيران يتزاورون عشان عيالهم تطلع ، أساسا خلقه قطاعه
بين الجيران مافي تواصل فهي مجرد فرحة بين اطفال العايله والاحباب
في البيت ومافيها اي تكلف ، طيب  العييايد او العيديه برضوا من الصغر تربينا عليها
وابوي ربي يطول في عمره ويشفيه ويخليه لنا يارب هو وامي
من شهر شعبان وهو مجهز العيديات ،
في بالي سؤال ومااعرف اجابته:  
هل في دليل يثبت أنه كان في أيام الرسول صلى الله عليه وسلم وايام الصحابه عيديات ؟
طبعا أنا ضد المبالغات اللي يسونها الحريم في القريقعان واستئجار
القاعات والتنافس في اظهار قريعان ولدها أحسن من الثانيه
المهم أنا مدري وش فيني السنة على القريقعان ، ابي اقرقع
على فكره في بيتنا مافيه لانهم معارضين له بسبب الفتوى .
قرقع قريقعان …..عطونا الله يعطيكم
بيت مكة يوديكم ….يا مكة يا معمورة يا أم السلاسل والذهب
عطونا من مال الله ….يسلم لكم عبد الله
عطونا دحبة ميزان ….يسلم لكم عزيزان
يا بنية يا لحبابة … ابوكي مشرع بابه
باب الكرم ما صكه …ولا حط له بوابة
 
 
وعساكم من عواده
الإعلانات
 
 

8 responses to “قرقع قريقعان …..

  1. شاب طموح

    2010/08/24 at 2:47 م

    انا ما اخالف الشرع ابداا .. لكن اعطني دليل واضح من القران او السنة او الاجماع يقول ان الاحتفال بالقرقيعان حرام وبدعه ..!!! اخيتي ابشري بالقرقيعان .. انتي امري بس ..

     
  2. amlfemale

    2010/08/24 at 5:21 م

    شاب طموح: أنا اقول واعيد هل في دليل يثبت انه في ايام الرسول صلى الله عليه وسلم واالصحابه توزيع عيديات فإذا كان إيه فلله الحمد من قبل ومن بعد وإذا كان مافيه دليل اقول ليش ماتقاس العيديات على القريقعان فيتم التحريم لانه حتى العيديات فيها مبالغه عند بعض الناس واذا قالوالي ان العيديه مرتبطة بالعيد وهو امر شرعي الاحتفال بالعيد طب حتى رمضان امر شرعي بعدين اذا كان عشان تخصيصه بايام معينه اقول طيب واللي يقدم او يأخر عن الموعد المعتاد ؟وبالنسبة للقرقيعان لا خلى ولاعدم ياعساني ما انحرم من ابوي وامي ولا منك يابعدي .

     
  3. Anonymous

    2010/08/24 at 7:01 م

    اول شيء اماعن القرقيعان مدري عن حكمه وثاني شيء ودي لو مره اشوف القرقيعان لاني مدري وشو ثالث شيء اللي اعرفه عن القريقعان اللي عندنا البزران مايروحون عند الجيران ويطقون الباب ومدري وشو ورابع شيء الله يسلمتس ياشاطئ على البوست الرووعه ريم…

     
  4. amlfemale

    2010/08/24 at 7:10 م

    ريم : القريعان عباره عن مكسرات وحلويات توزع على الاطفال في تاريخ 13 أو 14أو 15 من رمضان وكانوا اول ايامي انا نروح كلبونا البزارين ونطق باب الجيران ونقول الانشوقه الجميلة اللي فوق وعاد يعطونا حلوياتوالله وناسه وشعور لايوصف ابحط لتس صوره توضيحيه

     
  5. مبدعه

    2010/08/24 at 9:47 م

    بصراحه في الرياض عندنا ما قد شفت قرقيعان وما عرفته الا يوم كبرت وسمعته من الناس بس بصراحه ودي اقرقع من صجة الناس عليه

     
  6. Amwaj

    2010/08/24 at 11:40 م

    آنا أول مرة أسمع إن في فتوى تحرم القرقيعان !!وبعدين القرقيعان عبارة عن حلويات ومكسراتيعني أكل حلال, شنو الحرام فيه ؟!!وبعدين القرقيعان سعادة للأطفال وأكيد لما الواحد يسعد طفل ويفرحه ياخذ أجر

     
  7. amlfemale

    2010/08/25 at 12:36 ص

    مبدعه : هلا بك القريقعان بس للأطفالخلاص كبرنا بس أنا قلت ابي أقرقع مجرد دعابه.لكن بجد أنا لما كنت طفله عشت جو القريقعان وشاركت فيه كانت ايام جميله وبريئه بصراحه الحين هنا في بلدنا فقد لذته وحلاوته لانه صار متكلف وماصار الاطفال هم اللي يقومون بمهمة جمعه صار يتوزع عليهم وهم في البيت ومافيه اهازيج عموما طفولة ايام زمااااان غير طفولة الحين رغم التطور والابتكارات الا أنه كنا نحس بالسعاده رغم البساطه

     
  8. amlfemale

    2010/08/25 at 12:39 ص

    أمواج : العلماء ورأي الدين على العين والراس ، هم تكلموا فيه لانه فيه تشبه او يرجع جذوره لاحد الديانات وغير كذا المبالغات اللي يسونها الحريم الحين تحولت للقاعات والاستراحاتالشاهد اني تذكرت طفولتي وايام القرقيعان وحبيت أكتبه .هلا بك

     

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

 
%d مدونون معجبون بهذه: