RSS

انفلونزا اللقافه وغيرها من الامراض الوبائية

12 فبراير

هلا مرحبا ،  كيفكم كولياتكن ، مبارك للناجحين والناجحات ومبارك للعرسان …
صدقا من زمان ودي أحتسي عن بعض العادات والاخلاق الذميمه المتفشيه بين النساء:
حريم وبنات صغار وكبار وللأسف حتى عند بعض الرجال إلا مارحم ربي
اللقافه ، الغيره ، الحسد ، الحقد ،<<<< يووومه لو الحقد له لسان نطق يمه منهم
وكل ذلك يعلل بدافع المحبه والميانه !!!!! <<< يخرب بيت الميانه والمحبه اللي كذا

إليكم الأمثله التالية:

* من وين لكم مكعبات السكر هذي !!!!  >>>  وقفنا عند باب المسجد وقلنا لله يامحسنين
* وش جابوا لكم بيت فلان هدية !!!! >>>>  يالهوووووي
* وحده متزوجة سالوها وش تسوين في الشقة !!!! >>>  تقشر بصل وتاكل كراث
* جاب لك خطيبك هديه !!!!
* عطينا صورة خطيبك أبي أوريه …… !!!! >>>> سلامااات
* تجلسين مع خطيبك لحالكم ، تطلعون مع بعض !!!!  >>>  باقي بس يقولون لها وش سويتو>>> وخزياااااه
* ورينا الملابس اللي اشتريتيها >>>>  مصيبه اللي يعطي نفسه اكبر من حجمها
* دريتوا فلان بيتزوج من الدوله الفلانيه >>> وش دخلكم يتزوج من السند والا الهند والا قريح
* يافلان وش له تتزوج من بلد …. <<<  المصيبه جاي يتفلسف وهو متزوج مسيار وبالسر يحسب الناس نايمه ماتدري عن شي
* فلانه ماله داعي تشترين فستان لزواج فلانه البسي فستانك الــ >>>  ماحد طلب رايك
* فلانه شافتك خالتي فلانه طالعه من محل ذهب وش عندك !!!! <<<<  الظاهر إننا لازم نلبس طاقية الاخفاء اللي بفلم الكرتون
* بكل جرأة ووقاحه تفتح الدولاب وتتفرج على الملابس أو تفتح الادراج من غير إحم ولا دستور !!!!
*من طرف مين المعرس الجديد ، فلان جايبه ؟!!! >>>> وش حارق رزكم ومعكرونتكم ، <<<  قل أعوذ برب الفلق
* فلانه رجعت للوظيفه والا ؟ ليش اطلعت ؟ وش تسوي تجلس في البيت وهي بنت ؟!!! >>>  تجلس تفكر بقنبله تحذفها عليكم وترتاح من لقافتكم .
* من جايكم ( من زايركم اليوم ) ، فلانه لابسه أكيد دخلت عند الحريم !!!>>>>   أشوف فيك يوم
* فلانه وش عندك حاطه روج !!!!!

وغيرها من الأمثلة التي لا أجد مبرر لها سوا الفضول واللقافه وأحيانا الحسد والغيره والتجسس  والتلصص > متعوب على تلصص

رساله لهؤلاء ومن على شاكلتهم :

من حـــســــن إســـلام الــــمــــرء تــــركــــه مـــــا لا يـــــعنــيه ، دعوا الخلق للخالق ،وياليت تنشغلون بحياتكم ومشاكلكم أبرك وأحسن  ، أسأل الله العافيه والسلامة

في أمان الله
Advertisements
 
34 تعليق

Posted by في 2010/02/12 in شي في الخاطر

 

34 responses to “انفلونزا اللقافه وغيرها من الامراض الوبائية

  1. ملح الحياة

    2010/02/12 at 6:09 م

    ههههههههه تسلم يمينك يا بنت والله بجد جعل ربي يحميك ويحفظك ههههه بصراحة عندي فكرة (انسخ البوست واوزعه في المعهد على الفضوليات اقصد الطالبات). الاسلام نهانا عن مثل هاته التصرفات وحديث رسول الله عليه الصلاة والسلام واضح.لكن للأسف لا حياة لمن تنادي وخصوصا النساء يشعرن بألم في الرأس إذا غابت عنهن معلومة واحدة. والأسبرين للألم طبعا هو السؤال وقد ادرجتني نمادج لذلك.الله يصلح الحال.مرسي بوكو على ما كتبتي.

     
  2. شاب طموح

    2010/02/12 at 7:51 م

    هلا اختيه .. اي صح مبروك للجميع .. اي والله الله يخرب بيت الميانه اللي مالها حدود .. من وين لكم سكر مكعبات … ههههههههههه … مدري يمكن ياوخيتي مايقرون يشترون مثله .. اجل فلان بيتزوج من هناك … ؟ وش لك فيهم .. ترى .. وترى .. وترى .. وهل ياترى فعلا يستحقون ان الواحد يحتسي معهم … ؟؟مشكله كبيرة .. والله المستعان على التصدي لها .. دمتي في رعاية الله ..

     
  3. sky5555

    2010/02/13 at 8:42 ص

    ههههه …العنوان لحاله… حكايه ….يا بنت الثلاثين … المجتمع النسائي ..يتميز بحب التفاصيل .. ومعرفة كل صغيرة وكبيرة …….وبعض من المجتمع الذكوري ايضا .. ولكن يمكن للرجل الهروووب من الاسئله…. وذلك بعدة..طرق :الله يعين الجميع ……على الملقوفين والملقوفات ..لا كثرهم الله

     
  4. Anonymous

    2010/02/13 at 11:36 ص

    أهلين أسئلة مالها داعي أنا ابي أعرف وش تستفيد إذا سألت الاسئلة هاذي وإلا تجيك تتفلسف من وين شريتوه وبكم ومن وداكم ومن جابكم وتى رحتوا ومتى جيتوا ما إلا تقول ليه ما اخذتوني معكم " مرض خطير يجب القضاء عليه" الف مبرووك للناجحين والناجحات تحياتي صدو…

     
  5. gmr14

    2010/02/13 at 5:08 م

    ههههههههه..احس ذا البوست طالع من قلب.. تكتبين وانتي قرفانه..وكله والله ينبلع بس ذي اللي تفتح الدولاب ههههههه تحفة مدري اذا هي باقي عايشة ولا لا.. شكلها عجوز يا حليلها اعذروها..معليش تحملوني بس والله قعد اضحك وانا اتذكر بعض المواقف..عايشة = على قيد الحياة مو اسم عايشةمودتي وتحياتي

     
  6. شيبه بالصلصل

    2010/02/13 at 6:41 م

    السلآم عليكم .. آرحبن ترحبيتن ما مثلها في الوجود << متعوب عليهآ .., آخبارتس ..؟ بالنسبه للموضوع .. آنا اشهد بهذ1 الأنفلونزا .., وصدق انهم حريم << اجل وش رجال اما سالفه شسمه ذ1 عطينا صوره خطيبك خيير وش يحسسون فيه بالله بعدين وش الفايده يعني ..عليهم تخلف مدري من وين طالع .., اما سالفه التدخل بأشيائنا الخاصه مالهم أحقيه ابد والله لو بيدي كان سطرتهم << لا يكثر بس الله يعين بس .., والله يبعدنا عن ذ1 الأنفلونزا .., دمتي بوخير .., (شيبسه بالصلصل) 8_8

     
  7. iCoNzZz

    2010/02/13 at 8:13 م

    أحسج منغثة من الفضوليينوالله شنسوي لهم آفة هالزمان ؟افضل حل التطنيش والتظاهر بعدم سماع السؤال^_^

     
  8. Princess

    2010/02/13 at 8:34 م

    سلام عزيزتي فتاة الثلاثينالحسد و الغيره و الحقد امراض تفشت في المجتمع مثل انتشار النار في الهشيمالله يجيرنا و يحفظنا و يحميناكفيت و وفيتي و سلمت يمنيكتحيتي

     
  9. أمواج صامته

    2010/02/13 at 9:29 م

    والله انك صادقهذاك اليوم كنت في بيت حماتي ودق التلفون وكلمها ولدها المسافر بعد ماخلصت وحده من الحريم تقول لها هذا ابنك؟ وكان يقول لك كذا وكذا؟ ماشاء الله متابعه المكالمه ولا وكانت تصلي بعد؟اللقافه عند الحريم بالذات مالها حدووووود تسلمي يابنوته

     
  10. بنت الثلاثين

    2010/02/14 at 4:22 م

    ملح: ولا يهمك بسوي نسخ للتوزيع المجانساي والله يصلح الحالعفون بوكو : <<< وش معنى بوكو (كثيرا؟

     
  11. بنت الثلاثين

    2010/02/14 at 4:23 م

    طموح: طنش تعش تنتعش حياك الله دوم

     
  12. بنت الثلاثين

    2010/02/14 at 4:25 م

    أ/ زياد : في الغالب ان مجتمع الرجال تقل فيه اللقافه وماشاء الله عليكم كما ذكرت تتهربون من الاجابة .. نحن يتجاوب يتعطي بالوجه كاش لكن قليل بل نادر.اللهم آمين لاكثرهم الله

     
  13. بنت الثلاثين

    2010/02/14 at 4:26 م

    صدو: هلا قلبي لا تعطينهم وجه ،وطنشي تنتعشي …

     
  14. بنت الثلاثين

    2010/02/14 at 4:27 م

    قمر : اي والله طالع من الاعماق لانهم بصراحه مصخوها ولاعت كبدي تحيتي لك ياعسل

     
  15. بنت الثلاثين

    2010/02/14 at 4:32 م

    شيبسه: وعليكم السلام ورحمة الله اخباري تسرج مدري عندي احساس اني اعرفك الله يهديهم ويهدينا معهمحياج ربي

     
  16. بنت الثلاثين

    2010/02/14 at 4:33 م

    ايكونز: صدقة احسن حل التنطيش تقديري لك

     
  17. بنت الثلاثين

    2010/02/14 at 4:34 م

    الاميره: وعليكم السلام ، هلا وغلا لك وحشه يابنت …عسى امورك تماماللهم آمين …

     
  18. بنت الثلاثين

    2010/02/14 at 4:35 م

    أمواج: أما قطة الأذن هذي حدث ولا حرجأجل تصلي هاه ، ماشاء الله عليها خاشعه >>> هههههههههمرحبا بك الف

     
  19. جلاكسي

    2010/02/14 at 7:47 م

    صلاامون ايه ايه انا اشهد انا اشهد على الحتسيالي قلتيه يا بنت الثلاثين(ه ع م)وي وش ها القله الادب الي يسوونهافتح دولاب وي وي وش يشوفون اي والله احنا عندنا ناس كثير حتى من زووود اللقافه صارو يقولون حق فلانه يووو ليش ما صار يدق عليس بعلس <<>> اقصد على خير هع هع جلاكسي مّوع

     
  20. زمرده

    2010/02/15 at 2:12 ص

    ههههههههتدوينه ظريفهالله يسعدك

     
  21. مهاجره بإحساس

    2010/02/15 at 2:13 ص

    عاد يافلانه ليه حاطه روج ههههههههههههههههههاخر شئ اتوقعته الطبع هذا مع الوقت يصير عاده واشوفه اكثر شئ عند كبار السن الف شكرا يا بنت الثلاثينتحيتي لك

     
  22. بنت الثلاثين

    2010/02/16 at 4:41 م

    جلاكسي ، زمرده ، مهاجره بإحساسكل التصرفات لمذكوره من الشباب لا والله شيبانان مايصدر منهم الا كل مايدل على الحنكة والحكمة الله يصلح الاحوال ، شكرا لمروركم

     
  23. نينا ريتشي

    2010/02/17 at 10:53 م

    مرحبتين يا هلاا ..اي والله انها منتشرة و بكثرة بعد .. عافانا الله و إياكم لان مثل ما ذكرتي اللقافة و الغيرة و الحسد و الحقد ممكن انها توصل لحد المرض .. لانهم عودوا انفسهم على هالتصرفات .. و لأنهم ناس لا يشكرون الله على ما آتاهم حتى لو عندهم كنوز الدنيا كلها بيطالعون غيرهم و بيحسدونهم و يتمنون زوال هذه النعمة.. أصلا ماراح يتهنون بعيشتهم طعم الراحة و السعادة ماراح يذوقونها قلوبهم مليانه حسد و غل .. و من راقب الناس مات هما ~

     
  24. زهرة السوسن

    2010/02/18 at 5:20 ص

    ..استغفر الله العظيم ..صدق من قآل " رضى النآس غآية لآ تدرك " لو جآوبنآهم .. لو عطينآهم اللي يبغون .. لو فتحنآ دوآليب بيتنآ لهم .. لو عطينآهم كرآتين سكر مكعبآت .. لو لو لو ! والله وتالله وبالله .. مآ بيرضون !وفوق هذآ بينتقدون …}اللقآفه عرق بالحريم والعرق دسآس ..الله يكفينآ الشر =/خليك على مثل " طنش تعش تنتعش " وكيفهم باللي يسوونه ~الله يجزآنه جنآته 🙂

     
  25. بنت الثلاثين

    2010/02/18 at 5:47 ص

    نينا: صدقت للأسف ان الفئة ذي عندها من خيرة ربي ما لايعلم به الا الله لكن الطمع وحب التملك والانفراديه طغت عليهم ربي يهديهم ويهدينا.مودتي

     
  26. بنت الثلاثين

    2010/02/18 at 5:49 ص

    زهرة السوسن: حياك الله في مدونتي واسعدني تشريفك ،صدقت رضى الناس غاية لاتترك ، وقاعدة التنطيش اجدها فعالة بقوة ويقولون حقران يقطع المصرانمودتي

     
  27. مبدعه

    2010/02/19 at 9:02 م

    يووووه انا مايذبحني الا ذوليياكثر ما اجلس مع ناس ويكون كل سوالفهم تحقيق ولقافهاذكر وحده من زمان ما شفناها وما بيننا موانه شافت بوية الصاله متغيره جان تقول ويه من متى صابغينها ؟؟وبكم صبغتوها ؟؟ وهذا تعتيق ولا ترخيم والا وش نوعه؟؟ووش غيرتوا في بيتكم غير هذا؟؟اوووف ودي اذبحها واللي قاهرني ان امي معطتها جوها وتجاوب عليها

     
  28. Woman space

    2010/02/20 at 6:36 م

    ههههههه روعة البوست والأسلوب اروع الله يوسع صدرك وسعتي صدريواضيف من اللقافة اللي تجنني بعد الزواج هاه ما حملتي وبعد سنة نفس السؤال وبعد 3 سنوات ماراجعتي عند دكتور ….. يقولون ذا شاطر وذي أشطر ….. ياناس يا هوه منتوا بأحرص من الزوجين بهالأمور ولا ادرى اكيد من تأخرت عن الحمل أكيد في سبب أو برضا منهم متفقين على مده معينة والأدهى والأمر يتوقعون على طول السبب في الحرمة المسكين كأن كل الرجال يخلفون.بصراحة في لقافات كثيرة ترفع الضغط ولكن هذي من أكثر الأمور اللي تنرفزني دعوا الخلق للخالق صدق معليش لي فترة عن مدونتك تعرفين الأختبارات والأجازة وغيرك خابر دمتي بعيدة عن أصحاب اللقافات *_^

     
  29. بنت الثلاثين

    2010/02/20 at 8:12 م

    فضاء حرمه: هلا وغلا من طول الغيبات جاب الغنايم، اي والله انك صادقه على سالفة الحمل ،مره شافتني وحده من قريبات اهل زوج خالتي وعلاقتي فيها سطحية لأبعد الحدود ومع ذلك لما سلمت علي سألتني عن اختي حملت والا لا؟ قلت لا ، تخيلي سألتني من زوجها والا منها؟قلت وانا وش دراني ؟ بجد انا وحده عمري ماسألت اختي ليه ماحملتي استغفر الله ناس ترفع الضغطالله يعافينا مما ابتلاهم به

     
  30. بنت الثلاثين

    2010/02/20 at 8:14 م

    مبدعه : لو أنا منك عطيتها درس ماتنساه تبطل تسأل وتتلقفالله يعافيها مما ابتلاها ولا يبتلينا بما ابتلاهااسعدتني زيارتك

     
  31. صمتي كلام

    2010/02/20 at 9:35 م

    اي والله ميانه مالها داعي وساعات يعرفون ليه بس ودهم يتشمتون ويبونك انتي الي تقولينها الله يهدي الجميع ..،،

     
  32. بنت الثلاثين

    2010/02/20 at 10:22 م

    صمتي كلام: الله يعينهم عل انفسهم ياختي

     
  33. ماتريوشكا

    2010/03/07 at 12:17 م

    رووووعة^_^بالفعل في ناس فضوليين بشكل شنيع!الله يكفينا فضولهم و لقافتهم!

     
  34. بنت الثلاثين

    2010/03/08 at 2:21 ص

    ماتريوشكا: هلابك، اللهم آمين

     

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

 
%d مدونون معجبون بهذه: